أرسلت أم ناصر، ٧٠ عاما، وتقيم بمنطقة الحوتية بالعجوزة، رسالة استغاثة تقول فيها: «عيشتنا على قدها وأنا كبرت في السن، وابنى مريض مش بيقدر يشتغل، والمصاريف زادت علينا من إيجار وأكل وشرب، ومفيش عندنا أى مصدر رزق، وجوزى اللى كان سند لينا توفى، ومبقتش قادرة أشتغل بسبب سنى».
وأضافت: «عايشين على مساعدة جيراننا، وليا بنت مخطوبة، كل اللى بتمناه من الدنيا إنى اطمن عليها قبل ما أموت، نفسى أجوزها وأشوفها في بيتها، وديون الإيجار تراكمت علينا، ومش قادرة على مصاريف العلاج والأكل والشرب، وخايفة خطيب بنتى يفركش الجوازة بسبب ظروفنا لأننا مقصرين معاه».
واختتمت: «بنتى ملهاش غيرى ومتعلقة على أمل إن حد يساعدنى، وكل اللى أقدر أعمله إنى أدعيلها وأقول يا رب».
للتواصل مع الحالة: ٠١١٥٠٧٢١٦٣٠
