افتتح الرئيس عبدالفتاح السيسي، اليوم، عبر الفيديو كونفرانس، مشروعات الإسكان المتوسط بمدن المنيا الجديدة والشروق و6 أكتوبر والشيخ زايد وبرج العرب والسادات والعبور.
كما افتتح الرئيس عبدالفتاح السيسي عبر الفيديو كونفرانس مشروعات الإسكان الاجتماعي بمدن بدر وحدائق أكتوبر والعبور وجمصة.
كما افتتح الرئيس عبدالفتاح السيسي مشروع "الأسمرات ٣" والتي تضم آلاف الوحدات السكنية الكاملة الخدمات والمرافق، بالإضافة إلى افتتاح أكبر مجمع للخدمات يستطيع أن يلبي مطالب نحو 100 ألف نسمة يقطنون مشروع الأسمرات بمراحله الثلاث.
وأناب الرئيس السيسي الشباب بإزاحة الستار كما تفقد الرئيس الوحدات السكنية.
كما استمع الرئيس السيسي إلى شرح تفصيلي من وزراء الإسكان والشباب والتضامن الاجتماعي.
كما تفقد الرئيس إحدى حضانات الأطفال حيث داعب طفل يدعى سيف، كما استمع إلى أبيات شعر من أحد الأطفال، كما قام الرئيس بتوزيع هدايا على أطفال الحضانة، كما دون الرئيس السيسي إهداء بخط يده لإحدى الأطفال تدعى ساندي وكتب الرئيس عبارة إلى ابنتي ساندى ربنا يحفظك.
ويهدف المشروع إلى نقل وتسكين الأسر والأهالى من قاطنى العشوائيات والمناطق الخطرة داخل مجمع سكنى حديث يوفر لهم واقع مجتمعى جديد به جميع الخدمات السكنية والمجتمعية على نحو متكامل.
وجاءت أبرز رسائل الرئيس السيسي:
1 - وقف تراخيص البناء أمن قومى ومصلحة وطنية، متابعا: "الرخصة عقد بين الدولة والقائم على تنفيذ المنشأة، ولازم تنفيذ العقد، ومش هينفع أنه بعد لما يأخد التراخيص ميعملش اللى فيها.. محدش قال الزحمة دى هنعمل فيها، وقاعدين ننتقد الدولة.. البناء المخالف خطر حقيقى علينا.. ونظام التراخيص سوف يكون بشكل جديد تماما..عدم إصدار تراخيص بناء في بعض المناطق بمحافظة القاهرة، قائلا: "عملنا إيقاف للبناء هل كرها في الناس ولا تضييق عليهم؟ ولا علشان مبنحبش مصلحتهم؟"، إحنا عملنا كده علشان لا بد من مراجعة الكثافة الموجودة فيها علشان الناس تقدر تعيش بشكل مناسب كحد ادنى وبالتالى فيه أماكن في القاهرة لن يصدر لها ترخيص مرة أخرى.. واشتراطات المبانى كانت بتقول 7 أدوار هيبقى دورين بس".
2 - هيبقى عافية وجبر؟، لأ"، الموضوع مش كده"، ولكن لازم نحل المسالة عن طريق اللى احنا وصلناله كفاية عليه"، والقرار ده اتأخر 20 سنة".
3 - ضرورة عدم وجود بناء مخالف مرة أخرى، وأن أجهزة الدولة لن تسمح بذلك الأمر مرة أخرى، قائلا: "ازاى يكون في الإسكندرية واحد عليه 88 مخالفة.. وواحد عليه 60 مخالفة.. وحد يعمل 23 عمارة بارتفاع 20 دور على أرض لا تخصه".
4 - الدولة موجودة والمحافظة موجودة والداخلية موجودة والقوات المسلحة موجودة.. وحقك أن محدش يغتصب أرض بلدك ومحدش يبنى عليها.. احنا دولة هنبقى دولة مظبوطة، وهناك فئة قليلة حصلت على مكاسب، وهتدفع كويس.. هتدفعوا كويس علشان التعويض ونقدر نصالح اللى حصل.. هاخد مظبوط علشان لصلح مظبوط.. وازاى شارع عرضه مرتين ولا متر نص ويكون فيه عمارة كبيرة ولو حصل حريقة منعرفش ندخل".
5 - الدولة لن تتهاون في عدم تنفيذ اشتراطات رخصة البناء، قائلا: "هناك من يحصل على رخصة بجراج وبعد ذلك لا يتم استخدامه كجراج، والكلام ده مش هيكون تانى.. الجراح اللى مش هيشتغل هناخده.. وهيتم نزع ملكية على الأقل في الوضع اللى احنا فيه".
6 - دفعنا 50 مليار جنيه لتحسين الحياة في القاهرة، وهناك مشاريع أخرى للتطوير.. وبالتالى لن نسمح للمخالفات مرة أخرى".
7 - من حقوق الدولة إلزام السيارات الجديدة بالترخيص باستخدام الغاز الطبيعي، متابعا: "عربيات البنزين الجديدة لن ترخص إلا بالغاز ومن حقنا كدولة ننظم ونحافظ على بلدنا والمواد اللى في بلدنا تستخدم".
8 - طالب من وزير المالية الدكتور محمد معيط بتسهيل الإجراءات الخاصة بتحويل السيارات القديمة للعمل بالغاز الطبيعى.
9 - وجه الرئيس رسالة لوزير المالية، قائلا: "خلي قلبكم جامد وساعدوا الناس.. أنت بتخاف على الفلوس أوى بصراحة.. لازم نساعد الناس للتحويل.. وليه لا لما تكون فايدة صفرية من أجل التحويل.. ولازم نبذل أكثر من كده لمساعدة الناس وفق برامج محددة".
10 - فيما يتعلق بالفائدة، قال السيسي: " أطالب الحكومة والبنوك بفائدة مخفضة.. فائدة منخفضة مش هتبقى كفاية، مليون مركبة تحويلهم من بنزين لغاز يتكلفون 8 مليارات جنيه؟.. يا وزير المالية أنت بتخاف على الفلوس أوى.. مليون عربية يتحولوا من بنزين لغاز بيكلفوا 8 مليارات جنيه.. لو عاوزين الناس تيجى معاكم لازم تنزلوا للناس أكتر من كدا.. طيب ما فائدة صفرية لو أمكن ببرامج محددة".
11 - مبادرات الدولة لا تمس الطبقات محدودة الدخل فقط، ولكن تمس الطبقات اللى في أول سلم الطبقة المتوسطة، واللى عنده عربية بتكلفة مصاريف كتير.. نقول له هنقدر نساعدك تاخد قرض بأقل تكلفة ممكنة، بس ياريت العربية دى تكون مجهزة بالغاز لأنها توفر نصف تكاليف الوقود، وهذا الأمر ينطبق على الميكروباص أو العربات الملاكى أو التاكسي".
12 - الدولة لن تتهاون مرة أخرى مع البناء غير المخطط أو المخالف قائلا "خلونا نتوقف عن البناء غير المخطط ونبدأ ننظم بلدنا.. وكل اللى عاوز شقق يأخذ شقق.. والناس اللى عاوزه تاخد وتبيع للناس.. بصراحة هنكون حازمين.. واشتراطات البناء ستكون في منتهى الحزم والقسوة.. ومش هنقدر نستحمل كده.. واستحملنا العشر السنوات".
13 - عايز اقولكم على حاجة.. عاوزين نوصل الطريق بتاع الوفاء والأمل حتى طريق السويس.. وكل الطرق اللى بنتكلم عليها طبقا لخطة الدولة القومية.. ودى حاجة معمولة في مصر من 20 و30 سنة فاتوا.. عايزين ألفين وحدة لتنفيذ طريق مساحته 2 كيلو.. وهيبقى صلابة وشدة من الأجهزة من التنمية المحلية.. هدفنا حماية وطن من أننا نعيش كده.. ونسينا الصح والحياة الحقيقية للبشر".
14 - طالب الرئيس السيسي الدكتور مصطفى مدبولي رئيس الوزراء والدكتور عاصم الجزار وزير الإسكان بوضع تصور يليق بمدينة سانت كاترين.
15 - طالب الرئيس السيسي من محافظتي القاهرة والجيزة مراجعة مواقف الجراجات وإعادة فتحها.
