شارك الفنان محمد أنور جمهوره، بصورة جماعية، من أخر يوم عرض لمسرح مصر، عبر حسابه الشخصي على تطبيق "إنستجرام".
وكتب "محمد" تعليقا على الصورة: "امبارح كانت اخر ليله عرض في مسرح مصر، مسرح مصر اللي استمر على مدى سبع سنين وقدمنا فيهم ١٣٠ مسرحيه، شكرا أستاذ أشرف عبد الباقي على اصرارك من بدايه المشروع انك ترجع المسرح تاني رغم ان ناس كتير كانت ضدك وتحمسك ان يكون معاك في مشروعك ده وجوه جديدة وفضلت واقف جنبنا طول السبع سنين وفرحان بنجاحنا لحد ما الفرقه كلها دلوقتي بقت نجوم ومعروفين في كل الوطن العربي".
وتابع "أنور":"وشكرا لكل زمايلي واخواتي في الفرقه على احلي سبع سنين في حياتي..انا بحبكم جدااا واتعملت منكم كتير جدااا ويارب نفضل سوا جنب بعض كده طول العمر، وشكرا لكل جمهور مسرح مصر في مصر وكل الوطن العربي على وقوفكم جنبنا وتشجيعكم لينا من البدايه ولحد دلوقتي ونوعدكم بحاجات احلي واحلي ان شاء الله".
يذكر أن مسرح مصر من بطولة أشرف عبد الباقي وعلي ربيع ومحمد عبد الرحمن وحمدي الميرغني ومصطفى خاطر ومحمد أسامة "أوس أوس" وكريم عفيفي ودينا محسن "ويزو" وإسراء عبد الفتاح وسارة درزاوي وإبرام سمير وحامد الشراب وبيشوى طاهر ومحمد توب ووائل العوني ومصطفى بسيط ومحمد أنور ومهندس ديكور محمود سامي وأزياء هالة الزهوي ومدير الفرقة حسن نجيب، والعروض من تأليف وإخراج نادر صلاح الدين، وإخراج تليفزيوني سعيد حامد وإنتاج صادق الصباح.
