مشيت وأنا لسه واقف في مكاني
والعمر عدَّى ما خدش ثواني
أصحى يقولوا رمضان جانا
ويعدى يومين ألاقيه جه تاني
وأنا لسه واقف في مكاني
صحبى اتجوز ورحت فَرَحُه
فِرحتله وهو زعلان علشانى
ما أنا لسه واقف في مكانى
واللى بقاله بيت وولاد
واللى بيبنى لابنه مبانى
وأنا تهدمنى أحزانى
وبروح لزميلى وبَهنّى
وكله زعلان على حالي
وأنا مع نفسى بقول موالى
وأقوله وأعيده كام مرة
علشان تعدى أيامى
علشان تعدى أيامي
قصيدة لـ/ أحمد الديب
