ناشد أهالى شارع الطوبجى بمنطقة بين السرايات بالدقى، محافظة الجيزة، المسئولين بالحى إعادة رصف وهيكلة الشوارع ومواجهة حالة الإهمال الشديد التى تعانى منها الأرصفة بعد تهالكها وتركيب أعمدة إنارة خاصة في الشوارع الجانبية وإيجاد حل لمشكلة انتشار القمامة بالمنطقة، مطالبين المسئولين بجولة تفقدية للمناطق للتعرف على كم الإهمال الموجود بالمنطقة، والعمل على حل المشكلات التى تواجه الأهالى بالمنطقة.
ويقول حسام على أحد الأهالى: «يا ريت المسئولين بالحى يرصفوا الشوارع الجانبية، خاصة أن هذه الحوارى مليئة بالحفر والمطبات، ولازم المسئولين ينزلوا يشوفوا بنفسهم المشكلة ويحلوها قبل دخول فصل الشتاء، عشان المطر بيغرق الدنيا هنا والناس ما بتعرفش تمشى خصوصًا كبار السن عندنا، والأطفال اللى بتروح المدارس».
وأضاف: «الناس الكبيرة هنا مش حمل بهدلة وفيه واحد الشهر اللى فات رجله اتكسرت بسبب إنه مش شايف الحفرة الصغيرة اللى قدامه وبقاله شهر متجبس وحالته صعبة جدا وده ما يرضيش ربنا، وأكتر من مرة طالبنا برصف الشوارع والحوارى لكن ما فيش حد استجاب لينا». وقال: «تقدمنا بالعديد من الشكاوى لحل تلك المشكلات لمحافظة الجيزة وللحي، ولكن لم يأت رد أو حل للمشكلة حتى الآن».
و تقول «أم رحمة» ٥٨ عاما: «أنا بخاف أمشى في الشارع بالليل لوحدى بسبب الحفر اللى في الشارع ومش بقدر أشوفها كويس عشان نظرى ضعيف وباخد علاج للقلب والسكر وأخاف أقع اتعور أو تحصلى حاجة تخلينى غير قادرة على الحركة».
