رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم

صوت الناس.. قاطنو مدينة المستقبل بالعجوزة: مياه الصرف الصحي تهدد حياتنا

الإثنين 21/أكتوبر/2019 - 07:15 ص
 شارع شاهين
شارع شاهين
أحمد خيرى الكشكى
طباعة
طالب أهالى شارع شاهين بمدينة المستقبل بالعجوزة، مسئولى الحى بسرعة إيجاد حل لمشكلة الصرف الصحى، التى تعرض منازلهم للانهيار بطول الشارع، كذلك انتشار الأمراض والأوبئة بين الأهالى بسبب تلك المياه. 
يقول جمال رمضان أحد سكان الشارع: «كل شوية المجارى بتطفح ومش بتبان غير كل أسبوع عشان بتفضل تحت الأرض والبلاط هبط والحيطان هتقع، واضطرينا نقفلها بالأسمنت، وبيوتنا متبهدلة وهتقع علينا، مضيفًا أن مواسير الصرف الصحى متكسرة كمان والمياه بتنزل على الحيطان والأرض والبيوت باشت من كتر المياه».
ويواصل: «المنطقة بها ١٢ بلوكا كلها غرقانة مياه وبقالنا سنين في الموضوع ده وقمنا بسد بئر كان مخصصا للصرف بالأسمنت عشان الصرف كان بيطلع يغرق الشوارع كلها والمياه دى بتساعد في انتشار الأمراض والأوئبة بين السكان».
وتابع: «كل واحد بيدفع ٢٥ جنيها كل شهر للحى عشان الصرف ده وما فيش حد بييجى يبص ويشوف المنطقة خالص، ونرجو منهم ييجوا يشوفوا الوضع اللى إحنا فيه ومراجعة كافة خطوط الصرف الصحى بالمنطقة وتغطية البالوعات بالشارع». 
ويقول عبدالعليم أحد سكان الشارع: «الصرف الصحى كله عايز يتغير، والأهالى بالمنطقة كلهم متضررون من انتشار مياه الصرف الصحى ومحاصرتها منازلهم، مما يهددها بالانهيار فضلًا عن تعريض حياة الأهالى للخطر بسبب انتشار الأمراض».
وأكد أن غالبية المنازل أصبحت آيلة للسقوط بسبب مياه الصرف الصحي، موضحًا أن الأهالى تقدموا بالعديد من الشكاوى دون جدوى حتى الآن.
"
من المطرب الذي تنتظر سماع ألبومه في رأس السنة ؟

من المطرب الذي تنتظر سماع ألبومه في رأس السنة ؟