رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم
اغلاق | Close

إبداعات| ليه الدنيا تفرَّق بينا.. قصيدة لـ«أحمد الديب»

الخميس 17/أكتوبر/2019 - 07:58 م
البوابة نيوز
طباعة
ليه هدِّيته الفرن الطينة
واستبدلته مكانه الغاز
ليه شيلت القلة من البيت
ليه يا ما بِعِدتوا عن الغيط
ليه عمى يخرج من البيت
ليه الدنيا تفرَّق بينا
وبتمنع سهارينا الحلوة
والحيطة كانت جمب الحيط
كُنا بنشرب من زير واحد
كنا نجيب بطيخة واحدة
تتقسم على كل البيت
أنا تهت في وسطيكم ياما
بعد ما بعنا غيطنا ودارنا
بعد ما كان جدى بيجمعنا
الورث من بعده خدعنا
قطّع أرحامنا ومزَّعنا
وخلعنا توبنا
بعد ما كان هو مجمَّعنا
أنا هرمى شهادتى في الترعة
وارجع ألبس جلبيتي
وأشيل فاسى وأروح على غيطى
هزرع واسقى وأجمّع بيتنا
على لُقمتنا الحلوة ياما
إيدك في إيديا نرجعهم
ونحارب دنيا بتخدعهم
ونفكرهم إن الفُرقة
تكسر أى مودة ما بينهم
إيدك في إيديا ياما
إيدك في إيديا نرجعهم
"
من المطرب الذي تنتظر سماع ألبومه في رأس السنة ؟

من المطرب الذي تنتظر سماع ألبومه في رأس السنة ؟