مات الشهيد مات البطل
وساب وراه ميت وجع
وصرخة ألم ونار بتحرق
ف قلوب كل اللى شافه
فارق حياته ودنيته
وراح في زفة آخرته
عريس للجنة وفرحته
ماليه عليه دفنته
شهيد بطل شهيد وطن
ضحى بعمره عشانه كلنا
دمه سال عشان أرضنا
دافع عن شرفنا كلنا
صان عرضنا من كل خاين
حاول يكسر قلبنا
يا مصرى اسمع الحكايه
أرض سينا فيها ميت روايه
ودم كل شهيد بيرفع الرايه
دمه على أرضها رسالة لكل خاين
حاول ينول من مصرنا أو يهز أرضنا
حلمنا عمره ما ينتهى دى لسه البدايه
شهيدنا مات عشان نحقق نصرنا
وكل جيل يتولد يعرف تاريخ مصرنا
يعرف قيمة الوطن والكرامه
وللعدو الحسرة والندامه
يبنى أرضه ويحمى عرضه
ويرفع راسه بكل عزه
ويعرف حكاية الشهيد
اللى مات من أجل مصر
اللى مات عشان يعيش
وفى كرامة يبنى حلمه
يا بلادنا يا حره
كل شهيد ضحى ليكي
وحطم حلم أعاديكي
النهاردة بدمه بنبنى فيكي
ورافعين راسنا بيكي
دم الشهيد حكاية وطن
يا شهيد مصر البطل
الملايكة حواليك فرحانة بيك
واحنا النهاردة مديونين ليك
وبدمك هيعيش كل جيل
