تحتفي الأوساط الثقافية والفنية، بذكرى ميلاد الشاعر الراحل سيد حجاب، الذي تعد دواوينه خلاصة فكره وعقله، بل قيمة مصرية دخلت الأدب من باب أجمل فنون القول وهو الشعر، وصف بـ"نحات الكلمة والإحساس" بل شاعر البساطة والغلابة، الذي عبر عن حال الناس، وكان من بين أعضاء لجنة الخمسين الدستورية كمفكر بدرجة مناضل مصري، تتلمذ على يد الدكتور محمد مندور، عرف بكتابة أشعاره باللهجة العامية المصرية للكثير من الأعمال الدرامية والتليفزيونية المصرية.
وتنشر "البوابة نيوز" قصيدة "صياد وجنية" للشاعر سيد حجاب احتفاءا بذكرى ميلاده..
مين دى اللى ماشيه ع الشطوط بتنوح؟!
مين دى يارجاله؟!
أم الشعور
محلولة لكعوبها
أم القدم حافية.. وعمالة
ينقل تراب الشط ديل توبها
مين دى؟!
أهيه قربت.. اها.!!
أيوه عرفتك أه.. يا جنيه
صياد أنا والبحر يعرفنى
مهما يصرخ لم يخوفنى
عارفه.. دا ابويا..
وخطوته في الخير ومرجوعه
ليا.. بايد حنيه.. /.. ويطبطب على قلوعى
مرجوعه أبويا ليا.. /.. وانا لابا مرجوعى
صياد انا.. / صياد انا والبحر في ضلوعى
والموجه ناى.. / في الليل يونسنى
وناس يا ناى الموج.. ياأناته / سمعنى عن بحرى..
..وغنى لى حكاياته
-الشاب حب.. وخاوى جنيه / طرح الشباك بالليل.. طلعت له
بعيون ملاليه / بجفون هلاليه
بكفوف محنيه / رقصت على فلوكيه وغنت له
دندن بمجدافه على الميه / شاف النجوم..
لعنيه مطاطيه / في البحر مدت يد.. وادت له
بالقلب ودت له / بالشفه مدت له
الخير بايدها الحلوة وادت له / شدت له من خير اقرار ياما
لكن ياعين.. الدنيا دوامه / ما تدومش لكن دايره دوامه
حساده عرفوا قصته.. /..تبعوه
طلعوا له نص الليل عفاريت ليل / زى السوا حلية هدومهم سود
سودا هدومهم.. والقلوب سودا / وعيون بنادقهم كما قلب الحسود سودا
صابوه عداه / خرم الرصاص ضهره
عين القمر بالغيمة مسدودة / جنيته ف حضنه وجروحه في ظهره
الدم أهه حمرا ممدوده / الدم سال..
الشاب عمره سال / جنيته تقفل جروحه بحبها.. بالشال
وجروحه في ظهره / بتشر عمر لحد ما طول العذاب قهره
وف ننى عينه كلمه.. ما بتنقال /..عشانكم انتم يا حبايى امو..
وبقيت حروف الكلمة يتقطموا / جنيته فرشت شعور طوال
ع الجته.. /.. واترجت إله البحر..
..صلت له / علشان تموت مثله
علشان يعود الشاب للدنيا.. /..علشانكم أنتم يا حبايى أموت
جنيه البحر الغريق صلت / سنه..ولا كلت
والجته متغطيه بشعورها وبدموعها.. /..وصفار الموت
سنه.. وأخرتها / خدته بلادها ونيمت جسده
فوق مرتبتها.. فوق مخدتها / وخدت دراعه لاهله في بلده
قالت لهم /..(حطوا دراع الشاب فوق الباب
لحل الندوله يعملوا له حساب)
من يومها.. /.. والجنيه ماشيه ع الشطوط بتنوح
ماشيه بشعور / محلوله لكعوبها
ماشيه بقدم حافيه وعماله / ينقل تراب الشط ديل توبها
تسمع حكاوى البحر وتشوفها / وتروح تقولها ليلاتى لحبيبها
وحبيبها نايم.. في سريرها قتيل / وسمعتهم بيقولوا في بلدنا
دى مخلفه منه / رجاله بعددنا
