أصدر الشاعر محمد كشيك، عددا كبيرا من الأعمال الإبداعية بمجال شعر العامية، وقد لاقى "كشيك" الذي رحل عن عالمنا في ساعة مبكرة من صباح اليوم السبت، ترحيبا كبيرا من شعراء العامية وعلى رأسهم صلاح جاهين الذي أشاد بموهبته قائلا: أشـعر أن هناك أشـياء كثيرة في هذا الشـاعر تشـــبهني شخصيا".
"البوابة نيوز" تستعرض بعض قصائد شاعر العامية الراحل محمد كشيك.
(1)
حاجات
حاجات كتيرة في بستاني
يموت شجر يطلع تاني
قالت لي في الكوخ الأخضر
والخد أحمر بوس.. تاني
وفي الخميلة جميلة.. القد
على قد - حضني وحاضناني
سهرت ويّا النخل نديم
أنا الجديد من كم قديم
انا القديم ومانيش بالي
لكن فرحت وراق بالي
والحزن سال من غربالي
لما لقيت في استقبالي
خدود كتيرة في عطفة ورد
وبسمه بتسـلّم على خد
وحاره بتقول عقبــالي
شربت من حنفية وزيـر
تفجّـرت قنواتي عصير
من التراب التحتاني
الأرض بالفاس فاحتاني
ركبت وأنا فلاح محرات
وعمت عريان في القنايات
أنا اتولدت في إيدي نايـــات
وغنوة على طرف لساني
حسّيت وكانت حاسّــاني
فتحت عيني بعرض الليــل
عملت في المعمل تحاليل
في الدم طلعت زغروطة
وحاره شايله قفص قوطة
ومكتبة بتبيع كشــــاكيل
وبيت بتربيعة وترتر
بنت بملايه وخلاخيــــــل
بتقول يا:ســـــم ومبسوطة!
ونخلة داخلة في مجرى النيـــــل
وبلحة بتقول.. حيــّاني
ولما واحد حيـــّاني
أخدت م الشربات شفطة
وطلعت ع الســّـلم يافطة
في قلب دكان فكهاني
على برتقان حلومنـــّور
جماله في النور ألهاني
قعدت ع الأرض اتفرج
على القمر لمّــا أتاني
داانا اللّي كنت زمان أعرج
بقيت أسابق في حصاني
ندرت ندرن على روحــي
على اللي قال لي وأوصاني
وحط بلبل على دوحي
وعصفورين على أغصاني
ولمّــا جيت أكتب تاني
الجهل بالحكمة لواني
رميت دوايتي وألواني
وقلت أرسم في خيالي
صور كتير من صور.. الحق
ما جاتشي ولا كلمة في بالي
غير إن آه.. أوحش من لأ
(2)
صبورة
يا واقفة وسط الشـــبــّورة
يابايتــه
في كل الميـاين
عمري ما أشــوفك
مكســـورة
ياجنـــّتي
وياضي العـــين،
دايما كبيرة، ومجبورة
ياحـلوة
ياورد البســاتين
دايما، يابلدي، يامنصـــورة
ياحلوتي، ويابستاني
يافرحة بتهــــّز
كيــاني،
يانور- بيطـــــــلع
علشــــــــــــاني
يادعوة من عند الوالدين
منصورة
على كل الملاعين
ياأحلي ناس
وياقمـــــّورة
ياأحلي أزهـــار
البســـــاتين
يادي الجمال، وياقمــّورة
ياواقفة
وسط الشبــورة
(3)
اطلعي ياشمس
اطلعي ياشمس
في الكون نــــــوّري
ماتآخدنيش
ولاتزعلــي
أو لحظه في عمري تفكــري
خليك نورك، زي
ما إنتي العبقــــري
إنشري الضؤ،والدفــا
إجري في الأوصــــال
ولا نورك في يـــــــوم
لا ينطــفي
اظهري وباني
ولاتخشيش، ظلام
بارمي، للنور الســلام
تطلع اليمامات، وحالا
تظهري
يختفي المنقد، يغــور
تبتسم لي هنــــــاك
ثغور
ماتغيبيش، إبقي
اظهـــري
يالا حالا، نــوّري
وماتخافيش
تهرب الخفافيش، إلى جبل
والظلام
يهربوا الإخوان هنــاك
إلى دنيا، الزحـــام
اتمخطري
في العالم المليان، جنان
اتمخطري
وإبقي إظهري
وماتخافيش
يسقط خفافيش الظلام
