تداول نشطاء على موقع التواصل الاجتماعي "فيس بوك"، مساء اليوم الأربعاء، مقطع فيديو جديد لشقيق الهارب محمد علي يكشف فيه تفاصيل جديدة عن واقعة هروب شقيقه خارج البلاد إلى إسبانيا.
وقال شقيق محمد علي، إن أخاه هرب خارج البلد بعد ما فضحنا قدام الدنيا كلها، مضيفا: أخويا النجم اللي عامل نفسه رجل هرب بره البلد، ولما أبوك يكلمك في الفون تخلي السكرتيرة تكلمه وتقوله: "الباشا محمد بك مش فاضي.. دا انت بعت كل حاجة معاك وهربت بره البلد، ولا حد عرف فلوسك ولا حاجتك راحت فين ولا لمين".
واستطرد موجها حديثه لأخيه: بدل ما أنت عمال تتباهى بعربياتك وعربية مسي والفلوس الكتيرة اللي معاك رجع فلوس أخوك اللي أكلتها على عياله، مردفا: أنت عامل فيها بطل شعبي وابن البلد، وأنت ناسي أهلك أساسا ومش بتفكر فيهم، وشغال 24 ساعة والدنيا معاك مرتاحة وانت بتكدب على الناس، وتقول أنك بتناضل علشان الفقراء، لا يا محمد الكلام دا ميكلش معانا.
وهاجم شقيق محمد علي أخاه: "أنت جنون الشهرة عاميك.. مش عايز أقول أنت كنت بتعمل إيه علشان تطلع في لقطتين في الفن، واحد ساب شغله وقعد يجرى ورا التمثيل وساب مشاغله وبعد ده كله عرف أن نفسه مغمور بالرغم من تمثيله.. فقال أعمل أي حاجة علشان الناس تعرفنى".
ووجه "شقيق محمد علي رسالة "، رسالة لشقيقه مفادها: "أنا مستغربك، إنت طول اليوم بتنزل في صور ليك في عربيات ولانشات، إنت جنون الشهرة جننك.. إنت هنا في مصر كنت بتعمل أي حاجة علشان تطلع في مشهد أو اثنين وبعدين الدنيا ارتاحت معاك، إدي فلوس أخوك الميت ورد على أبوك الغلبان العيان.
وكشف عن سبب خروجه في فيديوهات قائلا: "أنا بعمل الفيديوهات علشان صبرى نفد وبعدين لقيت فيديوهات انتشرت على أن محمد على أخويا بقى مناضل، مناضل إيه يا محمد يا علي، إنت هتشتغلنا ولا إيه، ده أنا أخوك بقى.. مناضل فرومنت ولا مارينا في الجيت واللنش، ولا كنت بشوفك تروح القرى ولا النجوع تناضل فيها ولا مارينا كنت بتناضل عند الفيلا.
