تداول نشطاء موقع التواصل الاجتماعي مقطع فيديو منسوب لشقيق الفنان الهارب محمد على حيث وجه له شقيقه رسالة نارية بسبب تطاوله على الدولة المصرية.
وقال "شقيقه"، خلال فيديو إن بعض الناس تعرف أني شقيق محمد على الهارب وبعض الناس متعرفش المهم أن شقيقي محمد على الهارب في أسبانيا بيدعي أنه مناضل مصري وبيحاسب الدولة على أموالها وبيتكلم في حقوق الغلابة وأموالهم.
وأضاف "شقيق الهارب محمد على"، أنا شايف إن شقيقي طالع في الفيديوهات وبيظهر للناس أنه زعلان على فلوس الناس طيب يامحمد على أنا أخوك مش حد غريب طيب أنت عاجبك اللي أنت عملته في أهلك وأنت سارق فلوس أخوك المتوفى وسايب أولاد أخوك عايشين في شقة إيجار جديد طيب أنت عاجبك طيب والدك اللي هيتحاسب بسببك أنت كدة مناضل في نظر نفسك وفي نظر الناس طيب والدتك اللي رافعة قضايا عليك بسبب أنك أكلت ميراثها طيب أنت شايف نفسك كده بتلعب جيم فير.
ووجه "شقيق الفنان"، رسالة قائلا له، أنا عايزك تلعب الجيم الفير معايا.. أنت واخد فلوس أخوك وهربت ليه وأنت رجل مفلس ومش معاك فلوس وسرقت مال أخوك علشان تروح تشتري عربية فيراري.
