خفة دمها، وتعبيراتها التى تمثل الست المصرية الأصيلة، دائمًا ما تلازمها، الفنانة عبلة كامل، قالت فى برنامج «ببساطة» مع الإعلامية بثينة كامل: «أنا دايمًا بخلى البساط أحمدي، عشان كدا هتكلم ببساطة، رغم إنى عايزة أخلى الطابق مستور، أنا شايفه اللى واكلينها والعة فى الفن أحيانا بعض المنتجين، وأنا ماشية فى السينما على قشر بيض، لأنه بيعلم الصبر وعدم الاستعجال.
وردا على سؤال الإعلامية بثينة كامل: بتحملى نفسك المسئولية أحيانًا، قالت: «فى بعض الممثلين مش بيحملوا نفسهم المسئولية لو قدموا حاجة هابطة، لأن ظروفهم بتكون كدا، أنا بحمل نفسى المسئولية دايما فى أعمالى وشغلي، وبلوم نفسى بعدها، مش تناقض فى الكلام، بس محدش بيكون قاصد يعمل أعمال هابطة، لحظات بحس إنى ياما هنا وياما هناك بس إحساس بيروح بسرعة، وبيكون مع صديقه أو أى مكان، وأنا مش مثالية، وساعات بقول أنا هتضايق ليه؟ وساعات بكون هتجنن، وعمرى ما فكرت مثلا فى دور زميلة غيرى قامت به».
وكانت الفنانة عبلة كامل تزوجت من المخرج أحمد كمال ولكنها لم تستمر فى زواجها، ثم تزوجت فى ٢٠٠٣ من الراحل محمود الجندى ولكنهما انفصلا فى ٢٠٠٥، كما أنها ارتدت الحجاب عام ٢٠٠٥.
