تستغيث أم كرم «٥٠ سنة» بأصحاب القلوب الرحيمة لمساعدتها، وتقول: «براتب شهرى لا يتجاوز الـ٥٠٠ جنيه، أواجه مرارة الحياة، مدخلتش مدرسة، بس قولت لبناتى لازم تتعلموا، عايزة أقولكم اقروا وتعرفونى يعنى إيه كتابة، مفكرتش حتى أتعلم، مكنش عندى وقت من السعى عشان أوفر لقمة للعيال مع جوزي، بس الظروف خلتنى أكون حكيمة فى مواقف كتير زى ما بيقولوا عليا الناس، الحاجة الوحيدة اللى مديت فيها إيدى وأنا بشحت من ربنا الصبر، إنه يصبرنى ويدينى القوة والعزيمة أن أتحمل قلة الفلوس، وميخليش نفسى تضعف وأبص على اللى معاهم الفلوس، ومن يومها ربنا عمره ما ردنى خايبة ولا قصر بإيدي».
وتواصل: «ربيت عيالى أنا وأبوهم واشتغلت معاه وساعدته على قد ما ربنا ادانى قوة، تعب والمرض مسكه، بس هعمل إيه، كملت الطريق وحدى وهو على السرير مريض، العوز أصعب حاجة على الإنسان، علمت وكبرت وعملت رسالتى فى الحياة، بس لسه بردو الرسالة ناقصة، كان نفسى أشوف بنتى وهى على الكوشة، ودى التانية بس الظروف وقفت الجواز، مفيش حاجة فى إيدي، فهعمل إيه، أمر الله».
وتختتم حديثها: «لو فى حلم أو أمنية هقول مشروع عشان خاطر بناتى يفضلوا مستورين بعد ما نموت، وجهاز لبنتى منحلمش بحاجة تانى غير دا».
