اشترى الفنان محمد علي، سيارة النجم الأرجنتينى ليونيل ميسي، لاعب كرة القدم الشهير في نادى برشلونة الإسبانى.
ونشر "علي"، صورة على صفحته الشخصية عبر موقع التواصل الإجتماعى "فيس بوك" تجمعه بصاحب معرض السيارات في مدينة برشلونة وخلفهما سيارة نجم كرة القدم ليونيل ميسي، وعلق عليها، قائلا: "الحمدلله والفضل لله إيمانا بأن ربنا بيكرم اللى نيته خير للناس وبيحبهم.. موقف كوميدى حصل معايا أنا أصلًا لما ربنا كرمنى أنا مدمن عربيّات زى ناس كتير حبيت أغير البورش مع إنها عربية رائعة لكن أنا مش بعرف ليه بحب نوع الفيراري.. مع إن كان زمان أخرى أشوفهم صور والعب يبهم جيم.. ولكن ده كرم ربنا".
وتابع: "شوفت فى معرض عربية فيرارى Ferrari California T عجبتنى جدًا.. وقررت أبيع العربية البورش عند صاحب أحد المعارض في مدينة برشلونة الإسبانية.. لاقيت صاحب المعرض بيقولى دى عربية النجم الشهير ميسى لاعب كرة القدم في نادي برشلونة وهو أحد عملائي وعايز يبعها.. قلت ليه شرف ليه اركب عربيه لاعب عالمي واشتريتها، قولته عايز أضيف عليها حاجات.. روحت لى واحد وده اللى بيوضب عربيّات المشاهير وطلبت منه إن العربية تاخد روح الفراعنة عشان تبان إن ديه عربية الفرعون المصري في برشلونة بعتز بحضارتي وبفتخر الفرعون المصرى".
يذكر أن محمد علي، شارك في موسم رمضان الماضي، بمسلسل "طايع" الذي قدم بطولته الفنان عمرو يوسف.
