تعرضت الفنانة ميار الببلاوي، لسرقة الأكونت الخاص بها على موقع التواصل الاجتماعي فيس بوك، أمس الأربعاء، حيث نشر خبر يفيد تبرؤها من شقيقتها، نص على: "يا جماعة أشهدكم وأشهد الله أنى بريئة من أختى مروة وآسفة إنى بقول أختى لآخر مرة، فهى بالنسبة لى إنسانه مرتدة عن دين الإسلام ولا تمت لى بصلة من اليوم اللهم بلغت اللهم فاشهد وحسبى الله ونعم الوكيل".
ولكن بعد تمكنها من إعادة حسابها نشرت ميار قائلة: "يا جماعة الأكونت بتاعى كان مسروق من الساعه 10 مش عارفة إيه اللى اتكتب دا استغفر الله العظيم هى حصلت لكده إلا أخواتى عيب عليكم".
وتابعت فى تدوينة مفصلة: "يا ناس أنا وأخواتى حاجين بيت ربنا وأختى الصغيرة بابا كان ميروحش العمرة إلا وهى فى إيده يعنى الحمد لله احنا مصليات ومعتمرات وزوجات لرجالة نحسبهم على خير.. كلكم معرض لسرقة الأكونت بتاعه".
وأضافت: "أنا بدى موبايلى أثناء الحلقة لأى حد علشان المداخلات وجايز ناس محترفة هكرت الأكونت هو اللى بينشرولوا صور إباحية بيبقى عارف إيه منشور.. أنا فعلا صحفيين كلمونى وسألونى عن الأكونت قلتلهم إنه مش مسروق لإنى فعلا مكنتش أعرف إنه مسروق لحد ما ابنى ربنا يحفظه رجعهولى بسرعة بعد ما الكارثه اتكتبت على بنتى وأختى وأكتر إنسانة مبتستحملش عليا كلمة أذونى فيها".
