قال الإعلامي عمرو أديب: إن الملازم أحمد عبداللطيف ضابط القوات المسلحة الذي كرمه الرئيس السيسي وهو مقطوع القدم ليس من لحم ودم ولكنه من "نور".
وأضاف "أديب"، خلال تقديمه برنامج "كل يوم"، المذاع على فضائية "on-e"، اليوم السبت: "أنت يابني مصنوع من إيه.. ده اللي ضرسه بيوجعه بينكد على أمنا، موضحا أن الشباب الحاليين دائما لديهم الحجج ويريدون من يوفر لهم العمل"، معقبا: "ده بطل ويعيش الجيش المصري وعاوز أعرف ضابط الصاعقة أحمد عبداللطيف معمول من إيه وإزاي هو متفائل والشعب كله متشائم".
وتابع: "هما دول يا جزيرة العساكر المصريين اللي كنتي بتتريقي عليهم.. ده كان لازم يترقى مشير مش ملازم أول.. ده ابن البلد والمثل الأعلي والنموذج"، مؤكدا أن الجيش المصري "يد تبني ويد تحمل السلاح ووزير الدفاع دايما قاعد وسط ولاده".
