بدأ نشطاء على موقع التواصل الاجتماعى تدشين هاشتاج "ادعموا يوسف"، الطالب بمدرسة إشراقة الغد، بعد أن عاقبته المشرفة الخاصة أشد عقاب بالطرد من الفصل واستهزاء زملائه به.
وقالت والدة الطالب، عبر الحساب الشخصى لها على موقع التواصل الاجتماعى "فيس بوك": "مش عارفة ابتدي منين، لأول مرة أحس بالعجز وأني مقدرش أكتب حكاية.. الحكاية دي حكاية يوسف ابني، دخل مدرسة إشراقة الغد السنة دي KG2، المديرة كلمتنى بعد أسبوع ولمحت إن ابنى ربما يكون مريض عقلى أو بالتحديد متوحد، سمعتها للآخِر ورُحت لها أنا ووالده تانى يوم، الكلام أتغير إن ابنك طفل ذكى جدًّا، بس بيعمل تصرفات غريبة شوية، طالبتنا نروح لدكتور نفسى ويكتب لها تقرير وكمان عايزين shadow teacher".
وأشارت إلى أن "إدارة المدرسة بتقول إن يوسف طفل عنيف بيضرب زمايله، وسلوكه مش تمام. كنت حاسة إنهم بيتكلموا عن طفل تانى، يقيني إن في حاجة غلط، طلبنا- والده وأنا- نشوف الولد من خلال كاميرات المراقبة في الفصل، قالوا ممنوع، طالبنا أن نقرأ تقرير الإخصائية النفسية قالوا ممنوع، كل حاجة مقفولة عننا، ابنى ساكت بس مش سعيد".
واستكملت والدة الطالب: "التقرير راح للمدرسة، واعتبرنا الموضوع انتهى، بس القصة لسة طويلة.. باختصار ابتدت مدرسة الفصل تعامل يوسف معاملة قاسية، مثلًا في مرة طلبت من الأطفال ميردوش على يوسف لو كلمهم، الأطفال اتخضوا وراحو حكوا لأهليهم. لكن للأسف ابنى مبيحكيش، وعرفت القصة من أمهات زمايله.. إمبارح عرفت إن مدرِّسة الفصل بتعاقبه أشد عقاب علشان هو طفل حركي، حرمان من نزول الفسحة، طرد من "الفصل، بتخلى زمايله يتريقوا عليه ويقولوا له يا "بيبي". وأشارت والدة الطالب إلى أنها قامت بعمل شكوى رسمية عن طريق موقع مجلس الوزراء قائلة: ومعايا شهود من الأطفال عن وقائع كسر ابني وتحطيمه نفسيًّا
