عرض الدكتور عبدالرحيم علي، رئيس تحرير "البوابة نيوز"، مكالمة هاتفية، جمعت بين كل من الدكتور سعيد الحسيني، القيادي الإخواني، ومحافظ كفرالشيخ في عهد المعزول، محمد مرسي، ومصطفى كامل محافظ المنيا.
الحسيني: إزيك عامل إيه.. وحشني والله يا معالي الوزير.
مصطفى كامل: الحمدلله..انت أخبارك إيه.. كيف الحال؟
الحسيني: الله يبارك فيك..ويحفظك الحمدلله.
مصطفى كامل: طمني عليك وحشني ياسيدي والله.
الحسيني: أنا الحمد لله بخير..ربنا يعزك ويبارك فيك..إيه ماوحشتكش الجمعة الأولى ولا إيه؟!.
مصطفى كامل: أي جمعة أولى ياسيدي؟ آه آه آه آه آه.. والله افتكرت إن شاء الله نرجع عما قريب بإذن الله.
الحسيني: إن شاء الله.. قريب بإذن الله.. ربنا يسهل الأمور..إن شاء الله.. والله يافندم قريبة جدًا جدًا.. طمني على المنيا يا معالي الوزير..الله يبارك فيك.
مصطفى كامل: الحمد لله الحمد لله..المنيا بخير كتير والله..إحنا إمبارح كنا عاملين يوم عالمي والله
الحسيني: آه آه آه آه الله أكبر ولله الحمد.
مصطفى كامل: آه آه.. والله بجد.. وكان على المنصة موجود جميع ممثلي القوى المدنية.. يعني زي ما حضرتك فاهم.. وألقيت الكلمة بتاعتي والله في التحالف.. والأمور كانت تسير زي الفل وأكتر..والله وقبل كده بيومين كان عندنا برضه مسيرة ضخمة جدًا جابت شوارع المنيا كلها..وكانت جايه من جميع المناطق بالمنيا..وقلت فيها كلمة برضه كبيرة..والأمور تسير على ما يرام..والناس عندنا في المنيا بيقولوا عايزين نقتحم مبنى المحافظة.. فقلت ليهم.. لالا لما يجي أمر من السيد الرئيس شخصيًّا.
الحسيني: آااااه إن شاء الله الأمر هيجي قريب قووووي.
مصطفى كامل: الله يحفظك.. والله ويبارك فيك يادكتور..وعلى فكرة يا دكتور..والله الجماعة مستولين تمامًا على المحافظة بطريقة كبيرة..خلاص يعني.. واحنا والله لو عايزين ناخد المحافظة هناخدها تمامًا..ومفيش أي قوة تقدر تقاومنا في المحافظة خالص..وننتظر خطة لعمل كل شيء.
الحسيني: إن شاء الله عما قريب..ونتمني نشوفك قريب إن شاء الله..ولو نويت أبقي اتصل بيه علشان أرتب أموري إن شاء الله..ونتسحر مع بعض.
مصطفى كامل: إن شاء الله يا دكتور على خير بإذن الله.
الحسيني: مع السلامة.
مصطفى كامل: مع ألف سلامة يادكتور..ربنا يبارك فيك.
