مكالمات صوتية تكشف علاقة نشطاء السبوبة بأكاديمية التغيير القطرية
دور صهر القرضاوي في تمويل الحركات المشبوهة والإضرار بالأمن المصري
استأنف الكاتب الصحفي عبد الرحيم علي، رئيس تحرير "البوابة نيوز"، حلقاته التي كشف خلالها هذا الأسبوع في برنامجه "الصندوق الأسود" على فضائية "القاهرة والناس"، مكالمات بين عدد من نشطاء حركة 6 أبريل، والصحفية اليهودية صوفيا عمارة، بالإضافة لمكالمات جديدة بين الدكتور محمد البرادعي.
وقال خلال حلقة اليوم الأربعاء: مصر جاية أكيد يا مصري.. الله حي الله حي.. بكرة جاي.
تساءل الكاتب الصحفي قائلا: "هل مثل هؤلاء الشباب اللي بيفكروا بالمنهج ده وبيكّلّموا بالطريقة دي كانوا عايزين يحكموا مصر؟"، في إشارة إلى النشطاء السياسيين مثل عبد الرحمن يوسف ووائل غنيم ومصطفى النجار ووائل عباس وغيرهم، ممن أذاع لهم تسجيلات تدينهم.
وأضاف خلال حلقة اليوم من برنامجه "الصندوق الأسود" المذاع على فضائية "القاهرة والناس": هم دول اللي كانوا عايزين يحكموا مصر بلد الحضارة!! مصر الثقافة، مصر العلماء، مصر الأدباء، مصر الزعماء!! متأسفًا على الحال الذي كان يمكن أن تئول إليه مصر إذا كان حكمها أمثال هؤلاء بأفكارهم البذيئة.
قال رئيس تحرير "البوابة نيوز": إن أبناء مصر الشرفاء سوف يبنونها ولن تسقط مهما حاول أي من كان إسقاطها.
وأضاف خلال حلقة اليوم، الأربعاء، من برنامجه "الصندوق الأسود" على فضائية "القاهرة والناس": "إخواننا في الدول العربية هيساعدونا وهنبقى من أحسن دول العالم".
عرض "علي" تقريرا عن أكاديمية التغيير، واصفا إياها بـ"مصنع المؤامرات في الشرق الأوسط"، وأكد أنها جمعت بين الرأسمالية العالمية المتمثلة في أمريكا والغرب من ناحية، وجماعة الإخوان وقطر من ناحية أخرى.
وأضاف أن الأكاديمية تعاونت مع "فضائية الجزيرة" القطرية لتكون أحد منابرها، كما زرعت في عقول الشباب أفكارا مثل العصيان المدني والاعتصام.
وعرض البرنامج، خلال حلقة الليلة، تسريبا جديدا من نصيب النائب السابق مصطفى النجار، وأحمد شكري مدير حملة البرادعي لرئاسة الجمهورية، يجمع بينهما وبين هشام مرسي، رئيس أكاديمية التغيير بقطر وزوج ابنة الشيخ القرضاوي، حيث يكشف دورهم في تمويل نشطاء السبوبة بمصر من أجل تنفيذ مخطط الشرق الأوسط الكبير بمصر ودور أكاديمية التغيير في دفع تكاليف الحملات الإعلانية والتسويقية لمنتجات إعلامية ومقالات منشورة بغرض تشويه المناخ السياسي المصري والإضرار بالأمن القومي المصري والحصول على تمويلات خارجية..
وكان نصه كالآتي:
مصطفى النجار: أيوه يا هشام.
هشام مرسي: مصطفى إيه أخبارك؟
مصطفى النجار: إيه الأخبار؟
هشام مرسي: أنا بخير طمنى عليك.
مصطفى النجار: الحمد لله في مصر ولا برا مصر؟
هشام مرسي: برا مصر راجع يوم الإثنين إن شاء الله.
مصطفى النجار: تيجي بالسلامة أنا بس رجعت ومكنتش شفت الخطة بتاعت االلل.
هشام مرسي: التسويق والشغل بتاع شادي وكده.. أنا بس لفت نظري في الأسعار وكده حاجات معينة أنا مش قادر أفهمها يعني ااااه.
مصطفى النجار: زى إيه قولي؟
هشام مرسي: زى مثلا الأفلام الوثائقية اللي هي مدتها دقيقة دي أو الإعلان ده.
مصطفى النجار: اااه.
هشام مرسي: هو ده هيبقى على النت صح هيبقى على النت مش يعني هيتحط فين أيه.. الميزة اللي هو هيتحط فيها مش على النت وبعد كده لو عوزنا نعمل تليفزيون منها ممكن يتعمل منها فترة تليفزيون.
مصطفى النجار: اااه.
هشام مرسي: هو لا فيه أرقام كبيرة يعني أنا من خلال معرفتي من حاجات معينة في الإعلام في أرقام كبيرة في أرقام مبالغ فيها بفلوس كتير فااااا ده مريحنيش.. يعني يعني معرفش دا مريحنيش يعني هو ماشي شادي ياخد فلوس وياخد كل حاجة بس في حاجات مش منطقية خالص يعني بالتفصيل حتى وريت الكلام دااا لبعض الناس كانوا بيسألوني فاندهشوا أوي من أرقام مع الحاجات اللي هتطلع.. فأنا برضه عشان أكون أمين معاك طلبت منهم إنهم يبعتولي تقييما بالكلام دوت من ناحية بس عروض الأسعار وهبعتهولك ومش هوقف حاجة أو نبوظ حاجة عشان نبقى عارفين.. احنا بنتعامل مع مين ونشوف نفسنا لأن كل قرش احنا أولى بيه يعني.
مصطفى النجار: طبعا تمام طبعا.. فأنا هعمل ده وأحاول أبعتهولك خلاص على النهاردة بالليل إن شاء الله.
هشام مرسي: خلاص يا ريت.
هشام مرسي: وغير كده إيه الأخبار تاني.
مصطفى النجار: الدنيا كويسة واحنا في المقر.. الشباب مستمعين وأنا قاعد أنا وأحمد شكري دلوقتي.
هشام مرسي: هو ساب لي أحمد شكري.. ساب لى مسد كول من شوية اعتذر له لأن أنا مكنتش رديت كنت لسه هرد له المكالمة.. فا لو جنبيك وأقدر أكلمه بالمرة.
أحمد شكري: أيوه هشام إزيك.
هشام مرسي: أحمد إيه أخبارك كله كويس
أحمد شكري: الحمد لله
هشام مرسي: شفت المسد كول بتاعك بس كنت في ظيطة وظمبليطة
أحمد شكري: هو بس كنت بكلمك عشان موضوع الفلوس دوت كان إبرهيم حمدي ومش عارفين نوصله
هشام مرسي: منا مش عارف أعمل إيه ما المشكلة إنى أنا بره مصر كمان
أحمد شكري: انت جاى إمتى إن شاء الله
هشام مرسي: جاى يوم الإثنين إن شاء الله
أحمد شكري: طيب إن شاء الله حتى لو جيت الإثنين يبقى الثلاثاء الصبح.. بحيث نحسم الأمور كلها إن شاء الله
هشام مرسي: حاضر حاضر يعنى أنا مش عارف أنا إيه حكايته أنا عملت اللى عليّا.. وفى سستم ماشيين عليه مش عارف هو مختفى فين الحقيقة
أحمد شكري: اااه اااه طيب خلاص احنا نتصرف لغاية ما تيجى
هشام مرسي: خلاص خلاص اوك.. بااااي
كما عرض برنامج "الصندوق الأسود"، تسريبا جديدا، يجمع بين محمد البرادعي مع أخيه علي البرادعي، وجاء فيها:
البرادعي: أيوه يا علي إزيك
علي: صباح الخير إزيك يا محمد
البرادعي: الحمد لله آه الراجل سفير تركيا كان بيتكلم دلوقتي.. ومش عارف هيجى لهم بكرة رئاسة الجمهورية
علي: آه وعاوز إيه يعنى
البرادعي: المهم هاقبله شاكر
علي: إيه إيه كان عايز.. إيه
البرادعي: آه زي الجمعية الوطنية والزبالين
علي: آه..لأ لأ
البرادعي: قولت له مش حقابله.. أنا عايز أقابله..المهم كان عايز نعمل كونتكت مع الشباب.. وعايزين نجبله شوية شباب قولت له بتوع الائتلاف
علي: نجيبله عبد الرحمن سمير
البرادعي: آه عبد الرحمن سمير.. أنا هديك نمرته.. وتبعت له نمرة عبد الرحمن سمير
على: طيب أوك
البرادعي: وبعدين كلمنى دلوقتي السفير الإسبانى
علي: هااااا
البرادعي: بيقولى الوزير الخارجية بتاعهم جاى يوم 13
علي: آه.. وقولت له حتبعت له الإيميل بتاعي
البرادعي: آه آه.. ده صاحبى.. وقولت له هبعت لك الإيميل بتاعه
على: آه آه ما هو دول بيخدوا وقت
البرادعي: آه طبعًا مشاوير.. لا والأجانب دول يعنى قصدى دلوقتى المهم دول معندهمش حاجة يضيفوها.. ده" مرتيونس" ده وجول صحابى يعنى قصدى العملية مهياش سايبة
علي: كويس لا قصدى بتاع تركيا ده مهم وصور وكده هتبقى مهمة
البرادعي: آه آه.. المهم ده وزير خارجية.. وأنا قولت الاتنين كويسين جدا
علي: آه محترمين.. وهديك عايدة هتكلمك
البرادعي: طيب أوك.. واليوم السابع دول ناس معرفش.. أنا مشفتش كاتبين إيه بس شفت العيال شاتمين فيهم
علي: بيشتموا فيهم.. بصيت لقيت كام واحد كده بيشتموا فيهم
البرادعي: كاتبين إني أنا قلت إن لازم حكومة شفيق تتغير.. وإني ببص لمصلحتى الشخصية ومش مصلحة الوطن
علي: شوف ولاد الكلب
البرادعي: ها وبعدين في نفس الخبر بعدها قالوا إن الجنزورى ممكن يكون رئيس جديد.. وحتى أي واحد أو اتنين مابصتش كده قالوا لهم منين بتقولوا هيتعين ومنين بتقولوا هيتعين رئيس وزارة جديد
علي: دول يعنى إيه.. دول بتوع مخابرات
البرادعي: ده بتاع صفوت الشريف
علي: أيوه ماحد قالهم على صفوت الشريف نفسه
البرادعي: أوك يا على
علي: عايدة معاك
البرادعي: طيب
وقال الكاتب الصحفي عبدالرحيم علي: إنه بعد إطلاق وزير خارجية أمريكا السابقة كونالديزا رايس، لمشروع الفوضى الخلاقة، بدأت أبواق كثيرة تتحرك، ثم أقاموا أكاديمية كبرى للتغيير في لندن بتمويل قطري.
وأضاف خلال حلقة الليلة أن الأكاديمية نُقلت إلى قطر في 2009، وتدرب فيها كل الذين شاركوا بدعم أمريكي في 2011 لمساعدة الإخوان للوصول إلى السلطة، مشيرا إلى أن مديرها كان زوج ابنة يوسف القرضاوي.
وأذاع عبدالرحيم علي، تقريرا عن أكاديمية التغيير التي تدرب بها من تآمروا ضد مصر، وإدارة زوج ابنة يوسف القرضاوي لها.
وأوضح التقرير الذي أذاعه خلال حلقة الليلة، من برنامجه "الصندوق الأسود" أن 4 شباب أنشئوا أكاديمية لإحداث التغيير في مطلع 2005، إلا أنها لم تحصد ثمارها في 2011.
وقال: إن محمد البرادعي أكد لأخيه في إحدى المكالمات الهاتفية أنه سيعمل على غلق عدد من الصحف وحبس الصحفيين العاملين بها نظرا لمهاجمتهم له.
وأضاف خلال حلقة اليوم الأربعاء: "إذا كان البرادعي الذي يعتبره البعض رجلا مدنيا ديمقراطيا سيفعل ذلك مع من يخالفه الرأي فكيف كان سيبقى الوضع لو أصبح رئيسا!".
وطالب رئيس تحرير "البوابة نيوز"، علاء الأسواني وباسم يوسف وإبراهيم عيسى بإبداء آرائهم في كلام البرادعي، مشيرا إلى أن مبارك كان يهاجم بكل قوة وبأقبح الكلمات في عصره ولم يفكر فيما كان يفكر فيه البرادعي.
